Dende Proxectos, cremos firmemente na utilidade dos sistemas de xestión de calidade coma unha ferramenta extremadamente útil para garantir un funcionamento eficaz das organizacións, independentemente do seu tamaño ou sector.

A Política de Calidade de Proxectos é unha forma de xestión baseada na satisfacción dos clientes, na optimización dos recursos e no fomento e impulso da mellora continua. Entendemos a Calidade na prestación dos nosos servizos como a capacidade para satisfacer as expectativas e requisitos dos nosos clientes durante a realización dos traballos e do seus servizos accesorios.

Entendemos a calidade como unha contribución de todos e cada un dos traballadores e traballadoras que integran a organización. Profundamos na asimilación desta filosofía por parte de cada integrante de Proxectos, coa idea de que a calidade depende do desempeño particular de cada un, do rendemento dos equipos de traballo e do de todo o cadro de persoal no seu conxunto.

Consideramos que o servizo é de calidade cando o cliente percibe que o traballo ofertado é superior ás súas expectativas previas, é dicir, “recibe máis do que esperaba”, tendo en conta ademais das súas expectativas, as súas opinións e experiencias previas no proceso de merca.