Fátima Rodriguez Figueiras

Despois de estudiar Ciencias Políticas (1993-1998) e especializarme en Desenvolvemento Local (Máster de Desenvolvemento Local e Comarcal, 1999), empecei a miña andaina profesional na Universidade, motivando e asesorando a emprendedores universitarios a crear empresas (buscar un emprendedor na Universidade, unha agulla nun palleiro) entre os anos 2000 e 2001.

Entretanto, recibín formación de formadores (Certificado de Aptitude Pedagóxica, Plan de Formación de teletutores para adultos e curso da Confederación de Empresarios de Galicia). Esta formación xa me estaba preparando para o que me esperaba en Proxectos...

Antes de chegar a Proxectos, pasei por Bic Galicia (2002-2003), onde xa non tiña que motivar a ninguén. Todos chegaban ansiosos de analizar a viabilidade do seu proxecto empresarial e, de paso, saber se o informe era favorable para recibir unha subvención.

A estas alturas o mundo emprendedor xa empezaba a pasar factura e xente anónima achegábase para pedir consello sobre a súa idea empresarial. "E a min que me contas!" respondía eu coa miña caña nun concerto. Entra na páxina de Bic e tes todas as ferramentas e apoios necesarios.

O peor ainda estaba por chegar: Seminarios de difusión, cursos de xestión empresarial, obradoiros de oportunidades de negocio...Así empecei no Grupo Proxectos no ano 2003. En agosto de 2006, dentro do Grupo Proxectos, empecei traballar polo desenvolvemento turístico da Mancomunidade Arousa Norte