Marta Míguez Míguez

No 2006 cando rematei os meus estudos de Administración e Dirección de Empresas obtiven unha bolsa na Universidade de Santiago de Compostela para formarme como titora especializada no acompañamento de proxectos cooperativos, onde grandes mestres e compañeiros me transmitiron a súa paixón polo cooperativismo e a economía social.
Posteriormente colaborei na realización de diversos estudos sobre o cooperativismo agrario no Centro Galego de Formación Agraria.
En setembro de 2008 incorporeime a Área de Emprendedores de Proxectos onde sigo a desenvolver actividades para a promoción do cooperativismo ao tempo que imparto formación enfocada á creación de novas empresas.