Laura González Saborido

Son licenciada en Químicas pola Universidade de Santiago de Compostela coa especialidade de Medio Ambiente, e aínda que durante a carreira realicei prácticas nun laboratorio e din os meus primeiros pasos na investigación, o que me cativou de verdade foi a "CALIDADE" con maiúsculas, a través dun Master en Xestión de Sistemas da Calidade que compatibilicei co inicio da miña andaina no mundo laboral, concretamente no da venda e atención ao cliente.
No 2007, un inesperado Curso de Analista e Planificador Empresarial abriume as portas do Grupo Proxectos, do que entrei a formar parte como consultora nas Áreas de Calidade e Benestar Social, descubrindo así outro tipo de calidade cara o que dirixir as miñas enerxías, a calidade de vida das persoas, xunto a un equipo que non cambiaría por nada.