Obra Social Caixa Galicia ten entre os seus obxectivos estratéxicos fomentar a cohesión social a través da colaboración con entidades e a realización de proxectos que fomenten a igualdade de oportunidades, poñendo a disposición dos axentes sociais novas ferramentas de apoio á inserción socioeconómica cunha alta sostenibilidade financeira e capacidade de reutilización dos recursos sociais.

No ano 2.006, Obra Social puxo en marcha un Servizo de Asesoramento Empresarial propio (en adiante SAE), coa finalidade de apoiar ás entidades sociais colaboradoras (ESAM) con maiores dificultades para asesorar e acompañar de forma individualizada a cada usuario ata a elaboración do seu plano de empresa e presentación de solicitude de microcrédito.

Ademais, este servizo busca dar cobertura a emprendedores que residen en localidades onde no hai entidades colaboradoras. Unha vez que unha entidade deriva a unha persoa interesada ou que esta ponse en contacto directamente co SAE, iniciase un procedemento no que tras unha entrevista telefónica e o envío dun cuestionario, concertase un plan de traballo e entrevistas de asesoramento.

Facilitar o acceso e a implementación dunha ferramenta de apoio á inserción socioeconómica, dirixida a persoas con dificultades de acceso ao financiamento polas vías ordinarias do sistema bancario e con algún factor de vulnerabilidade asociado. O destino do financiamento é sempre a posta en marcha ou consolidación dun negocio, co que poidan crear o seu propio posto de traballo, dar resposta a unha situación de desemprego ou ben mellorar a súa situación económica e laboral.

O SAE ofrécese a persoas cun proxecto para crear ou consolidar unha pequena empresa e que reúnen os requisitos de acceso á liña de microcréditos.