"Atrévete a exportar" é un seminario de animación á exportación, no que se realiza un percorrido polas distintas motivacións que poden levar ás empresas a iniciar o seu proceso de internacionalización, así como os distintos modos de presenza nos mercados exteriores que poden atoparse no panorama empresarial.

O seminario inclúe un apartado dedicado aos condicionantes do éxito no proceso de internacionalización e outro, á difusión das accións de promoción das exportacións que levan a cabo distintos organismos como o ICEX, as Cámaras de Comercio, etc..

Para a realización dos seminarios elabóranse fichas de empresas, que serven para exemplificar os diferentes perfís da oferta exportadora española.