O comercio tradicional enfróntase nos últimos anos a un profundo proceso de cambio, caracterizado pola aparición de novas fórmulas de distribución e por unha evolución constante do/da consumidor/a. As dificultades que estes cambios supoñen tradúcense na perda sistemática de clientes e no consecuente peche de numerosos establecementos. Entre os factores que levaron a esta situación podemos destacar.

• Desprazamento da poboación cara á periferia das núcleos urbanos.
• Os cambios urbanísticos non favorecen a elección da compra tradicional como posibilidade de ocio.
• Novos hábitos de compra e consumo. Na sociedade actual trátase de optimizar o tempo adicado á compra de bens de consumo diario.
• Cambios demográficos. Envellecemento da poboación e diminución no número de membros da unidade familiar.
• Cambios no perfil da clientela. Na sociedade da información, da publicidade, da diversidade, as expectativas do/da consumidor/a xa non son os de hai uns anos. Actualmente nos atopamos fronte a un público máis informado, máis esixente, máis heteroxéneo, con máis posibilidades de elección e con menos tempo que adicar á compra.
• Implantación crecente de novas fórmulas de distribución comercial, caracterizadas polo uso do aoutoservicio e por un maior tamaño e diversidade, que se adaptan mellor que o comercio tradicional ás novas necesidades do/da consumidor/a.

Fronte a estas condicións do entorno nos atompamos cunha serie de características do pequeno comercio que dificultan a adaptación e a competitividade necesarias para afrontar estes cambios:

• Falta de especialización.
• Falta de formación.
• Atomización.
• Falta de innovación.

Ante esta situación, dende Proxectos Consultoría e Formación diseñouse a Guía de Implantación e Mellora Comercial, co fin de dinamizar o sector comercial e axudalo a superar con éxito as dificultades ás que se ve sometido.

A Guía de Implantación e Mellora Comercial consiste nunha diagnose sobre a situación do sector comercial e a hostalería e un programa informático interactivo para a posta en marcha de novos negocios e a mellora dos xa existentes, co obxectivo principal de promocionar e dinamizar o sector comercial.

Para a elaboración de ambos produtos utilízase información que provén de comerciantes, de clientes e de bases de datos de diverso tipo.

A aplicación informática, partindo da información achegada polo/a emprendedor/a ou comerciante, e da información ofrecida polo estudo previo , defínese de xeito automático con detalle un plano de empresa no caso dos novos comercios, e un plano de mellora no caso dos xa existentes.

A información de partida contida na guía está formada por:

• Censo de empresas comerciais e hostaleiras da Cámara de Comercio
• Censo de poboación do Concello
• Enquisas realizadas a comerciantes
• Enquisas realizadas a clientes
• Compendio de lexislación aplicable