Raquel Piñeiro López

Chámome Raquel, estudei Ciencias Políticas e da Administración na Universidade de Santiago de Compostela.

O mesmo verán que rematei a carreira, no ano 2003, empecei un curso na Cámara de Comercio de Ferrol impartido polos socios de Proxectos, foi o primeiro contacto que tiven con eles e onde os coñecín, durante o mesmo xurdiu un proxecto para o que necesitaban persoal e voilá, resulta que aí estaba eu no momento oportuno.

Comecei cun traballo puntual e seis anos despois aquí sigo coas mesmas ganas, ao longo da miña estadía aquí traballei en proxectos de diferentes áreas.

Na actualidade traballo na área de Benestar Social xestionando proxectos vinculados ao fomento da igualdade de oportunidades, loita contra a violencia de xénero, inclusión de colectivos desfavorecidos e avaliacións.

Ao mesmo tempo que me formaba a través do traballo realicei un Máster en Sistemas Integrados de Xestión e comezo a traballar na área de Calidade, principalmente na implantación de sistemas de xestión e mellora continua, tanto no eido privado como público; traballo que compaxino co mantemento do Sistema de Xestión de Calidade Interno do Grupo Proxectos.