O curso, se desenvolve os días 7 e 8 de xuño en San Sebastián de los Reyes. Esta acción formativa, dirixida a empresas do municipio madrileño, se desenvolve no marco dun proxecto de fomento da cooperación empresarial local baixo o lema “Cooperar para Competir” promovido polo Concello de San Sebastián de los Reyes.
A cooperación empresarial se perfila como unha oportunidade para mellorar a competitividade das empresas mediante o aproveitamento das sinerxías derivadas dos esforzos conxuntos.
O pasado 13 de maio foi presentado o Plan de Viabilidade de Deán Stock (Tenda- Escola) do Centro Comercial Aberto O Deán de A Pobra no que participou o Grupo Proxectos.
O Grupo Proxectos participa cun Stand na “Feria Pymes en Crecimiento 2010” durante os tres días que dura a feira.
Co obxecto de apoiar a reactivación económica da Cidade de México, o Goberno do Distrito Federal a través da Secretaría de Desarrollo Económico, leva a cabo o evento “PYMES en Crecimiento”; para ofrecer aos Micro, Pequenos e Medianos empresarios do Distrito Federal, opcións de financiamento, incubación de negocios, capacitación, comercialización e innovación tecnolóxica.
Nesta segunda edición participan 200 expositores, divididos en catro pavillóns: Asesoría e capacitación, Financiamento, Solucións PEMES e Oportunidades de negocio.
O pasado venres 7 de maio, o Grupo Proxectos impartiu no Concello de Guitiríz un Obradoiro para a realización de plans de empresas no ámbito do Cooperativismo.
Os destinatarios/as foron os alumnos/as dos Obradoiros de Emprego que se están a levar a cabo no concello (especialidade de servizos sociais, enerxías renovables e albanelería) que están barallando a idea de constituír unha cooperativa para crear os seus propios postos de traballo.
Durante o obradoiro, cunha duración de 5 horas, os/as asistentes traballaron de xeito grupal unha idea empresarial relacionada coa súa formación co gallo de simular a constitución dunha cooperativa.
A xornada contou tamén coa participación do persoal técnico da área de Servizos Sociais do Concello de Guitiríz que fixeron unha aproximación á situación real do sector no territorio.
Todos os alumnos/as recibiron un CD cunha ferramenta para desenvolver un plan de empresa adaptado ás particularidades da fórmula cooperativa
O emprendeQuiz é un xogo de preguntas e respostas sobre creación de empresas cunha dinámica similar ao Trivial.
Ao longo da xornada desenvolvéronse 4 talleres de 1 hora de duración cada un. Os participantes, na súa maioría estudantes universitarios e emprendedores, tiveron que responder a preguntas relacionados coa creación de empresas clasificadas en 6 temas: a persoa emprendedora e a idea, entorno empresarial, márketing e innovación, plan económico-financeiro, recursos humanos e formas xurídicas.
Esta actividades ten como obxectivo acercar aos universitarios a creación de empresas dun xeito lúdico e divertido.
O Grupo Proxectos impartiu o obradoiro “As Competencias Esenciais do Emprendedor” onde de xeito ameno e práctico fíxose un repaso por aquelas características desexables nas persoas emprendedoras. Ademais, os asistentes puideron realizar un balance dos seus punto fortes e febles para, posteriormente, elaborar un plan de traballo individual.
A xornada tivo lugar na Facultade de Económicas e Empresariais da Universidade das Illas Baleares.
Entrevista realizada a Pablo López, socio do Grupo Proxectos, publicada o domingo 11 de abril de 2010.
EmprendeLab é un concurso universitario de proxectos onde se premian a Innovación, a utilidade e a viabilidade das propostas. Está promovido por o Gabinete de Iniciativa Joven e a Universidad de Estremadura.
Este programa leva asociado accións formativas relacionadas coa Imaxinación Aplicada, Deseño e Construción de Proxectos e Comunicación.
Proxectos Consultoría e Formación S.L. imparte a formación e as titorías presenciais e on-line, a través da plataforma de formación virtual creada para o proxecto.
Concursan 100 participantes. 50 no Campus de Badajoz e 50 no de Cáceres.
A aposta realizada por Gabinete de Iniciativa Joven con este proxecto supón sementar 100 sementes en terras extremeñas, ao quedar os participantes provistos de metodoloxías, ferramentas e coñecementos para a posta en marcha de proxectos sociais, culturais e empresariais con garantías de éxito.
Todos temos a posibilidade de utilizar a nosa imaxinación para xerar ideas orixinais e poñelas en marcha na nosa contorna. Con este proxecto explotamos a capacidade de imaxinar, crear e innovar de quen mellor encarnan o espírito da innovación, que son as persoas novas. Estas capacidades sumadas á formación, á información e ao coñecemento que Proxectos transmite; compoñen unha potente mestura que, ben aproveitada, pode ser decisiva no desenvolvemento cultural e económico dunha rexión.
O 16 de abril de 2010 termina o prazo que os participantes teñen para entregar os seus proxectos. Os premios serán 6000 € para o mellor proxecto empresarial, 6000 € para o mellor proxecto social ou cultural e 3 viaxes experienciais por proxecto.
Doce empresas cántabras participan na Misión institucional e comercial a México organizada polo Grupo SODERCAN na que tamén participa a CEOE-Cepyme Cantabria. Os sectores cántabros de novas tecnoloxías (TIC), construción, química, automoción, agroalimentario ou enerxías renovables están representados na misión.
O Concello de San Sebastián de los Reyes a través de la Delegación Municipal de Economía y Participación Ciudadana está poñendo en marcha un proxecto de fomento da cooperación empresarial local baixo o lema “Cooperar para competir”. É por elo que o día 16 de febreiro de 2010 ás 11:00h celebrarase unha sesión de presentación no Centro de Empresas.
Esta actuación permitirá crear unha Rede de Cooperación Empresarial que facilite o desenvolvemento de proxectos entre as empresas dirixidos a mellorar a súa competitividade e a manter unha posición sólida no mercado, a través do aproveitamento das sinerxías derivadas dos esforzos conxuntos. Asemade, se contempla xerar unha nova ferramenta virtual ao servizo das empresas locais que lles permitirá ter acceso a información e apoio de cara ao establecemento de acordos de cooperación.
CURSO AXENTE DE INNOVACIÓN (150 horas)
Dentro dun programa máis amplo de fomento da innovación empresarial, o Concello de Ferrol desenvolveu o curso de AXENTE DE INNOVACIÓN de cara a capacitar a titulados universitarios no ámbito da xestión da innovación na empresa. Os axentes de innovación aparecen como dinamizadores, titores tecnolóxicos ou mediadores nos procesos de innovación, trátase dun novo perfil dentro ou fóra da empresa con funcións de intermediador para facilitar a súa adaptación.
O Curso de Axentes de Innovación, desenvolto por Proxectos Ensino, tivo lugar entre o 16 de outubro e 23 de novembro de 2009, e participaron 21 persoas, e ten recoñecido 3 créditos de libre configuración a UDC e 5 créditos pola USC.
Proxectos Consultoría e Formación S.L. presenta XESTIONA, unha ferramenta informática de xestión para o pequeno comercio e imparte unha charla resumo dos principios básicos para o comercio polo miúdo: lexislación aplicable, horarios comerciais, réxime de prezos, etiquetado dos produtos, pago con tarxeta, documentos de compra, nome comercial e marca, garantías e arrendamento do local, dirixida aos asociados da Asociación de Empresarios e Comerciantes de Redondela. Será a partir das 20.30 horas na Rúa Jorge Regojo 2, 1ºB de Redondela.
Proxectos Ensino imparte o curso “Marketing Turístico” para EUROCENTRO NAFIN dirixido a empresarios/as de hoteis, axencias de viaxes e ecoturismo de México, El Salvador e Nicaragua no marco da Feira FITUR. Será a partir das 15 horas no Hotel Husa Chamartín na rúa Agustín de Foxa sen número de Madrid.
O contido do curso será o seguinte:
1.Tendencias do mercado e implicacións para o marketing: a oferta, a demanda e a competitividade.
1.1. Introdución ao sistema turístico español. Situación actual
1.2. Retos: Plan del Turismo Español Horizonte 2020
2.Promoción turística: cómo fomentar as vendas.
2.1. Accións individuais
2.2. Accións colectivas
3.Publicidade: cómo convencer ao cliente.
4.Venda persoal: técnicas que estimulan a compra.
5.Relacións públicas: habilidades personales.
6.Marketing relacional: do marketing tradicional ao marketing experiencial.
A Ruta dos Arrieiros é un trazado que transcorría na Idade Media por un antigo Camiño Real, unindo a zona de produción do viño do Ribeiro con Pontevedra. O nome provén dos arrieiros, as persoas que recorrían o Camiño exercendo o oficio de comerciantes ambulantes.
O deseño e execución deste produto turístico foi realizado por Proxectos, Consultoría e Formación, S.L. para o Plan de Dinamización do Produto Turístico Terras de Pontevedra durante o ano 2008, creándose un produto que ofrece ao visitante a posibilidade de gozar dos servizos das empresas participantes nun itinerario organizado.
A gastronomía ocupa un lugar destacado nesta Ruta. Os restaurantes adheridos elaboraron menús especiais, baseados en produtos típicos galegos. Pódese escoller entre o MENÚ RIBEIRO (20€) ou MENÚ RÍAS BAIXAS (30€), gozando de primeiro e segundo prato e sobremesa caseira, acompañados por viño das Denominacións de Orixe Ribeiro ou Rías Baixas, pan e café.
A vantaxe principal desta oferta gastronómica é ofrecer ao cliente un menú pechado, cuxos pratos e prezos coñécense con antelación, podendo realizar o comensal a elección do restaurante en función dos seus gustos.
Na segunda fase do proxecto, realizada por Hábitaq, Consultoría de Desenvolvemento Sostible, S.L. durante o ano 2009, desenvolvéronse estratexias de promoción, dando a coñecer a Ruta dos Arrieiros entre visitantes e poboación local, potenciando así a súa comercialización.
Neste marco creouse o Bono Gastronómico dos Arrieiros, que permite regalar experiencias culinarias no restaurante co comprador escolla, coñecendo anticipadamente o menú que degustará a persoa obsequiada.
A persoa que regala o Menú dos Arrieiros prepaga o servizo e, o agasallado, soamente ten que realizar a reserva anticipada da mesa no restaurante, informando que usará o Bono Gastronómico dos Arrieiros, que entregará no propio restaurante no momento do servizo.
Toda a información da Ruta dos Arrieiros está a disposición de turistas e poboación local na guía da Ruta dos Arrieiros, que contén datos sobre o produto turístico, os servizos asociados ao mesmo e unha descrición individualizada dos distintos establecementos que forman parte da Ruta.
Os exemplares están dispoñibles nos establecementos adheridos á Ruta e nas oficinas de información turística.
O vindeiro xoves a partir das 17.30 horas, Proxectos imparte o curso “Asesoramento Cooperativas” no Concello de San Sadurniño dirixido a todas as persoas interesadas en crear unha sociedade deste tipo.
O curso ten unha duración de dúas horas e media. Para asistir tan só hai que achegarse até o edificio do Concello de San Sadurniño.
Proxectos Ensino impartirá mañá o curso “Cómo sacar partido a unha feira”, dentro de un conxunto de seminarios dirixidos á Asociación de Empresarios do Polígono de San Cibrao. Será a partir das 16.30 horas na Rúa Ricardo Martín Esperanza s/n de Ourense.
Á hora de participar nunha feira é fundamental unha boa preparación da mesma en todas as súas etapas, desde a fase previa, pasando pola celebración da mesma até o momento da análise dos resultados obtidos.
O asesoramento aos asistentes irá encamiñado ao tipo de feiras nas que participar e a recompilación da información necesaria para afrontala, elementos básicos para o óptimo aproveitamento da mesma por parte das empresas.
Para participar as empresas teñen que inscribirse nos seminarios a través da Asociación de Empresarios do Polígono de San Cibrao (tlf. 988 383 756).
Esta fin de semana a área de benestar social de Proxectos xunto coa empresa Sportiba dirixe en Ribeira o Outdoor Training de Corresponsabilidade, unha actividade organizada pola Mancomunidade Arousa Norte e subvencionada pola Deputación da Coruña.
O obxectivo é concienciar aos membros das familias para que se sintan responsables das tarefas domésticas, inculcándolles valores como a coeducación, a igualdade ou a conciliación familiar e laboral.
Para isto, o equipo de Proxectos ten preparadas dúas xornadas cheas de actividades como ginkanas, competicións deportivas entre familias, obradoiros de consumo responsable e saudable ou manualidades orientadas a reflexionar no reparto das tarefas no fogar.
Loxicamente, igual que na vida diaria, non todos os membros teñen que desenvolver os mesmos roles, senón que en función da súa idade, a súa capacidade e dispoñibilidade deberán poñer o seu gran de area para converter a familia nun equipo que vive en harmonía.
Axenda e participación
O Outdoor Training de Corresponsabilidade desenvolverase entre o Sábado 12 e o Domingo 13 de Decembro entre as 10.00 e as 18.00 horas no Centro Arqueolóxico do Parque Periurbano de San Roque no Concello de Ribeira.
Para participar tan só é necesario que as familias se inscriban con nenos ou nenas de entre 9 e 14 anos na Mancomunidade Arousa Norte no teléfono 981 845 236 , e que todos teñan moitas ganas de pasalo ben. Todas as actividades son gratuítas, incluídas as comidas e as merendas.
O Grupo Proxectos desenvolve en colaboración coa consultora SPI España, un ciclo de obradoiros de Innovación de Produto.
Nos obradoiros abordaranse as cuestións claves para a aplicación de metodoloxías de desenvolvemento de novo produto mediante unha serie de actividades de formación – acción.
Estas actividades de formación están financiadas pola Xunta de Galicia a través do programa INCITE e celebraranse en:
Documentación do curso:
O Grupo Proxectos presentou onte no Club Internacional de Prensa (Santiago de Compostela) os resultados do novo barómetro continuo “E Galicia qué opina”, que nesta ocasión estuda os hábitos, opinións e actitudes medioambientais da sociedade galega. Ao longo da presentación analizaronse:
O Grupo Proxectos, consciente dos grandes retos que vive a nosa sociedade, tanto a nivel local como global, no eido da pobreza e das desigualdades económicas e sociais, do medio ambiente e da necesidade de establecer unhas relacións máis xustas e equitativas entre todos os habitantes do planeta, comezou no ano 2009 o seu programa de Voluntariado Corporativo.
O Programa de Voluntariado Corporativo ven a enriquecer e completar o conxunto de medidas que se foron implementando no Grupo Proxectos como consecuencia da implantación do sistema de Responsabilidade Social Corporativa (RSC). Neste intento por seguir mellorando, e conformar unha empresa cuns valores éticos e sociais ben definidos, púxose en marcha o Programa de Voluntariado Corporativo, como un paso máis para trasladar ao resto da sociedade o compromiso ético e social adquirido pola empresa.
Conxuntamente ca ONG Taller de Solidaridad mobilizouse un equipo de once persoas para desenvolver as dúas primeiras actuacións do Programa de Voluntariado Corporativo de Proxectos. Estas tiveron lugar en Filipinas e en Perú, entre os meses de xullo e setembro de 2009, apoiando o traballo previo que realizara Taller de Solidaridad con diferentes comunidades neses países. Desta forma deseñáronse estratexias de actuación conxunta entre ambas entidades, para aportar a experiencia e coñecementos do persoal de Proxectos nas zonas de actuación elixidas.
A Asociación de Empresarios de Hostaleria de Ferrol e Comarca convida a todos aqueles interesados a participar na primeira edición do Concurso de Monólogos MONOLOBAR.
No tríptico poderedes descargar as bases do concurso así como o proceso de inscrición.
Para solicitar máis información non dubidedes en chamar ao 981 350 892 ou escribir a dirección monolobar@gmail.com
Durante 12 días ( 24 de xullo a 10 de agosto) estívose impartindo no Centro de Formación MYR-Muy Particular a unidade de competencia “Verificar e avaliar o nivel de cualificación alcanzada, os programas e accións” dentro do curso de Formador Ocupacional ( Curso SSCF10, 380 horas), pertencente ao Plan FIP.
Fotos do grupo e os coordinadores do centro
Os días 21 e 22 de xullo impartimos en Forcarei o curso de Xestión de Recursos Humanos incluido dentro da programación do BIC Galicia dos Seminarios para a Mellora Competitiva das Micropemes.
Nas fotos: Pepe Grandal cos alumnos/as do curso.
Unha fábrica de xabóns e o museo itinerante da ciencia, gañadores dos premios emprendelab.
A área de comercio presentou onte o Manual de Boas Prácticas Comerciais para a Federación do Comercio de Ourense.
Podes seguir a noticia nos seguintes enlaces:La Voz de Galicia
Faro de Vigo
A área de comercio vai facer a presentación dun Manual de Boas Prácticas Comerciais para a Federación do Comercio de Ourense.
A presentación terá lugar na Praza das Damas, as 11:00 da mañá.
As encargadas de presentalo serán Raquel Sousa e Verónica Rodrígez.
O 19 de agosto de 2009, Victor Sixto impartirá en México o seminario “Atrevete a Exportar”, dentro da xornada “Exportación herramienta de crecimiento” organizado polo “Consejo Empresarial de Comercio Exterior” (COMCE).
Ola a todos, dendo hoxe a parte de sevizos presenta unha nova distribución, esperamos que vos guste máis.
Saudos
Ola.
Grazas por visitar a nosa nova web.
Como podedes ver, estamos a darlle os últimos retoques á páxiña, o que pode acarrear pequenos problemas nalgún intre.
Un saudo.